kuldi

Hér er veðrið eins og það viti ekki í hvorn fótinn það ætlar að stíga. Skítakalt annan daginn svo maður verður að troðast í flísara og klísturhiti hinn daginn svo maður verður að setja ac á, skrýtið. En svona er nú veturinn í Florida. Það er farið að nálgast næstu flugferð og mér kvíður fyrir að sitja í 4+8 tíma, verð örugglega með fílafætur eftir það. Öðruvísi kemst maður ekki til Íslands svo maður verður að láta sig hafa það. Vona bara að það verði ekki of kalt þar, hata að þurfa að dúðast í þykk föt.

Afmæli

Hún á afmæli í dag, hún á afmæli í dag, hún á afmæli hún Ásta Björg........
Hún er alveg að ná mér, lol. Annars er nú merkilegt hvað þessi afmæli hrúgast niður í kringum 2 hátíðar á árinu, í desember og apríl. Það virðast bara allir eiga afmæli þá. Flestir í april og þar um kring með, 9 manns og svo desember og þar í kring með 7.

Jæja komin heim í heiðardalinn og þegar farin að kvíða fyrir næstu flugferð. Keypti reyndar þessa líka fínu flugsokka í flugstöðinni í keflavík og rembdist við að troða þeim á mig inn á snyrtingunni, í þröngum bás. Hafði það af með miklu stumri og látum og ekki er gott að vita hvað fólk sem átti leið þarna um helt að gengi á þarna í básnum, lol. En sokkarnir gerðu gagn,þó þeir hafi verið hálf krumpaðir á mér, en það var greinilegt 12 tímum seinna heima. Var bara með baby-fíla fætur í staðin fyrir fullvaxna-fíla fætur svo þeir verða notaðir aftur. Nú allt var við sama heima, nema kanski búið að uppfæra tölvubúnaðin aðeins, sem gerist mjög oft þegar Palli er skilin svona eftir umsjónarlaus heima í smátíma. Engin fellibylur og farið að kólna. Greinilega komin vetur í Florida eins og annarstaðar, nema í Ástralíu.

Vetur í Florida

Tíminn líður

Jæja gott fólk, Stefán Örn bara orðin 17 ára. Mér finnst hann nú bara hafa verið 7 í síðustu viku, en svona líður tíminn áfram.
Var lika að velta fyrir mér að nú eru að verða 12 ár síðan við fluttum frá Íslandi og rúm 3 ár síðan við fluttum til Florida. Mikið fjári líður tíminn óhuggulega hratt.
Ásta Björg aftur farin til Scotlands og er að koma að næstu flugferð hjá mér. Eins gott að muna eftir að taka með sér nesti í flugvelina í þetta skiftið svo maður farist ekki úr hungri.

Íslandsferð

Jæja á vel við að fyrsta bloggfærslan eftir árs hlé sé frá Íslandi. Þó að mörgu sé hægt að kvarta yfir hér á landi nú þessa dagana er nú ekki hægt að kvarta yfir veðurblíðunni í nóvember.

til íslands og danmerkur

Jæja þá er ég að leggja af stað. Vona að veðrið sé ekki of kalt, pakkaði allavega úlpu :-o
Búin að ná í bílaleigubílinn og panta næsta í Köben. Verð komin til íslands í fyrramálið og Köben um 12 á hádegi. Hef á tilfinningunni að ég sé að gleyma einhverju , en það verður þá bara að hafa það ef eitthvað vantar, getur ekki verið neitt merkilegt ef ég gleymi ekki sjálfri mér.

þetta gengur allt í rólegheitunum

Þá er maður búin að vigja bæði helluborð og ofn. Þetta er rosa flottur ofn, með heilli tölvu til að stilla, eins gott að æfa sig. Rafvirkinn er langt komin með rafmagnið, eftir að setja loftljós í herbergin og nokkra tengla þá er hann búin í bili. Það gengur ennþá samt frekar hægt að taka upp úr kössum en ég sé þó aðeins meira af gólfinu í gestaherberginu. Annars er sundlaugin að pirra mig núna þessa dagana. Tók upp á því að verða svona grænbrún á litinn og alveg sama hvað ég gerði vildi hún ekki skipta um lit. Fór og kvartaði í pool búðar vin minn sem lét mig hafa eitthvað efni til að setja í hana. Og púff eins og galdur sundlaugin orðin blá aftur en ekki alveg glær svo nú verð ég að fara aftur og fá meiri galdra til að hún verði glær og einhver hafi list á að fara í sund.

Það hefur verið leiðinda rok hér undanfarið og Noel ætlar aðeins að feykja okkur svolítið til þegar hann fer framhjá, sem betur fer bara tropical storm og fer ekki yfir heldur framhjá. Ekkert frí í skólunum, og strákunum fannst það fúlt, þó þeir séu nýbúnir að fá langa helgi. Það er von á Palla heim á morgun svo hann verður komin áður en ég fer, djís þetta styttist, fer á þriðjudaginn og svo eru bara jól áður en maður veit af. Hvernig stendur á því að tímanum liggur svona á.

hægt að nota fína helluborðið

Jæja rafvirkinn bara komin að tengja og yfirfara rafmagnið. Það lítur út fyrir að maður geti eldað almennilegan mat í kvöld, júhú. Annars gengur allt annað frekar hægt þar sem aðalmaðurinn er ekki á svæðinu frekar en vant er. Eitthvað smá farið að minnka kassarnir en mikið ennþá . Ætlaði að reyna að pússa og mála ganginn en er eitthvað svo orkulaus að ég veit ekki hvort ég geri það áður en ég fer. Já það styttist í að ég fari til DK, en hvað það verður gaman, þó mér kvíði nú aðeins fyrir þvi sem ég þarf að gera þar. Talandi um orkuleysi þá fór ég til læknis sem er nú ekki í frásögur færandi, nema ef það væri ekki fyrir nafn læknisins. Þannig er að heimilislæknirinn minn vildi senda mig til sérfræðings og gaf mér nafn hans sem var Dr. Vivian Rose, ósköp fallegt nafn. Hún sagði ég skildi tala við hann sem ég reiknaði með að hún meinti hann lækninn, nafnið er jú eins og sniðið á konu ekki satt?? Nú svo fór ég þangað og var næstum búin að skella upp úr þegar þessi stóri svarti maður kom inn á stofuna og kynnti sig, Vivian Rose. Ja mamma hans hefur örugglega verið búin að ákveða að eiga stelpu, eða hvað haldið þið??

myndir

Búin að setja nokkrar myndir hér
Husaframkvæmdir

framhaldssagan

Þá eru flottu borðplöturnar komnar á sinn stað og eldhúsið farið að líkjast eldhúsi. Palli náði rétt að koma heim á fimmtudagskvöld til að rétta af og síðan tókum við gamla vaskinn af um morguninn á föstudag og vorum bara rétt búin þegar þeir komu með granitið.

4 menn þurfti til að bera stóru plötuna og síðan tók þetta tíma að koma þeim fyrir vel mælt og fest, setja vaskinn í og saga fyrir helluborðinu. Klukkan var orðin eitthvað yfir 12 þegar þeir fóru loksins og ég gat dáðst að nýju borðplötunum mínum.

Nú Palli fór svo í að rífa búrskápinn gamla svo við gætum sett ísskápinn þar og ofnaskápinn. Nú ekki að spyrja að eitthvað extra. Þurftum að taka aðeins parkett þar líka og setja nýtt því það var stórt gat þar sem skápurinn hafði verið. Náðum að koma ísskápnum á sinn stað og skápinn við hliðina en ekki ofnana í. Rafvirkinn lét ekkert í sér heyra um helgina og náði Palli loksins í hann í gær og kom hann að kikja á þetta aftur og vonandi fæ ég fljótlega helluborðið í gang, erum orðin frekar leið á grilluðum mat og örbylgjufæði lol. Palli svo farin eina ferðina enn svo ekki verður mikið gert á meðan hann er í burtu, ætli hann komi nokkuð fyrr en þegar ég fer.

afram

Við erum búin með herbergi strákanna, búin að kaupa skáphurðir þó þær séu nú ekki komnar á sinn stað. Það er erfitt að reyna að gera eitthvað mikið þegar Palli er aldrei heima hjá sér. Það er nú von á borðplötunum á morgun og sem betur fer verður Palli komin til að ganga frá áður en þessir stóru granitflekar koma. Við eiddum síðustu helgi sem hann var heima í að taka upp hluta af gólfinu í eldhúsinu áður en innréttinginn var fest. Djís það er alltaf eitthvað sem bætist á svo ekki von að þetta gangi seint. Ég skal alveg viðurkenna að ég er búin að fá svona smá ógeð á þessu svo ég pantaði mér far til KBH og Íslands og ætla að leifa Palla að dinglast aðeisn í draslinu og athuga hvort þetta gangi þá ekki aðeins fljótar. Það er líka búin hundleiðinleg rigning í nokkrar vikur þar til síðustu helgi að okkur tókst að komast út að slá, 2 vikur milli slátta er aðeins of langt ennþá. Það styttist í að það fari aðeins að kólna (20 gráður lol) svo þá þarf nú ekki að slá eins oft.

upprisan :o)

Þetta gengur víst ekki lengur. Anna hvort er maður með bloggsíðu eða ekki. Ég verð að reyna að gera eitthvað róttækt í þessum skrifum hér eða hætta þessu alveg.

Það er margt búið að gerast síðan ég skrifaði síðast. Við vorum jú að flytja í nýja (gamla) húsið og byrjuð að gera það upp sem ekki er vanþörf á . Eldhúsið var hálfgert eða varla það, skáparnir settir upp að vegg en ekki festir og 1 í kassanum ennþá, búið að vera svoleiðis í 2 ár, ekki spyrja hversvegna. Helluborð og ofnar ennþá í kössum, en ísskápur og uppþvottavelin allavega í notkun.

Nokkrar myndir

Það er ýmislegt sem þarf að gera annað en eldhúsið. Bæði baðherbergin eru illa farin og þarf að gera upp. Það er ónýtt bað í öðru og wc sem er alltaf að stíflast. Það er þó nothæf sturta í hinu en illa farið og verður að gera eitthvað róttækt á báðum stöðum, líklega rífa allt út og setja nýtt. Nú herbergin voru við að vona að við gætum bara málað og flutt inn í en ekki varð okkur að þeirrri ósk þar sem maurar höfðu greinilega verið leigjendur þar og varð að segja þeim upp leigunni hið snarasta sem þýddi að taka þurfti flísar af gólfunum og setja nýtt gólfefni og tók tíma og krafta að gera það. Jæja nóg í dag, framhald á morgun

flutt inn

Jæja erum flutt inn í nýja húsið með drullu og öllu. Er búið að vera ansi taugatrekkjandi og óþægilegt. Erum ekki komin með nettengingu ennþá svo þetta er bara stutt , skrifa alla söguna seinna. Erum á fullu að þrífa með stóru Þ og rífa upp gólfflísar og mála, gengur hægt en gengur þó.

oj oj og áfram oj

Ég held semsagt bara áfram að þylja möntruna mína '' lífið er gott og það er ok að búa í almenningsgarði í nokkra daga með dótið sitt ef maður hefur ekkert annað''. Alveg sama hversu of ég þyl þetta það er ekki alveg að ganga upp, trúi semsagt ekki nógu vel á það sjálf. En semsagt lífið heldur áfram nema maður skelli sér bara i lækinn og klári dæmið. Eins og sjá má er ég frekar taugaveikluð þessa dagana. Er það nema von. Ættum semsagt að vera komin með allt okkar út úr þessu húsi, ætli það komi löggi og beri mig út bráðum.

oj oj oj

Það er óhætt að segja að þessi mánuður og þá helst þessi dagur sé sá versti sem ég hef á æfi minni upplifað. Hér sit ég í draslinu mínu í húsinu sem ég þarfa að skila af mér á miðnætti og ekki ennþá búin að fá mitt. Veit ekki alveg hvort maður á að gráta eða hlægja ( með svona geðveikishlátri) eða bara leggjast í lækinn.

á ferð og flugi

Allir skemmta sér vel i Tampa. Ströndin í gær og rússibanar í dag.

nýtt hús

Já jamm bara búin að versla 1 stykki hús. Þar sem það er nú ekki alveg eins og fara í bakaríið að kaupa brauð hefur verið heldur mikið að gera hér í sólskynsfylkinu undanfarnar vikur og ekki alveg tími til að skrifa neinar ritgerðir eða skemmtisögur hér, ekki það að það sé vanalegt. Við fundum hús hér rétt hjá og hentar vel þar sem strákarnir verða þá áfram í sínum skólum. Alexander á eftir 1 ár í middle school svo fer hann í sama skóla og Stefán Örn sem er mjög ánægður með sinn skóla. Ásta Björg greyið hefur ekki fengið miklar skoðunarferðir þar sem skoða hús og skrifa pappíra hefur verið aðalaðgerðirnar. Allavega hægt að skreppa eitthvað núna. Við reiknum með að fá afhent um miðjan mánuð en þá á eftir að mála og setja upp eldhúsinnréttingu svo við verðum trúlega út mánuðinn að koma okkur fyrir. Allavega spennandi og reyni að tka einhverjar myndir og setja inn við tækifæri, hef ekki verið svo dugleg við það undanfarið heldur.

er hérna enn

Það er eins og það sé bara engin með þetta blog. Eins gott að skrifa eitthvað gáfulegt eða þannig til að láta vita að við séum á lífi hérna megin. Það er búið að vera hellingur að gera síðan Ásta Björg kom. Hún varð auðvitað að skoða hverja einustu búð í hundrað mílna radíus og það tekur nú tíma. Svo fór ég með Alexander til augnlæknis loksins og þá varð að finna gleraugnaumgjörð handa honum, með ansi ákveðnar skoðanir sá drengur um hvað hann vil og hvað ekki. Allt annað að sjá framan í hann eftir að hann fékk gleraugun, nú sér maður loksins í augun á honum. Nú við erum búin að vera að skoða annað hús að búa í og það hefur nú líka tekið dágóðan tíma. Loksins sér nú fyrir endan á því og vonandi flytjum við sem fyrst.
Nú veðrið er búið að vera til friðs hingað til en vitum að tímabilið er rétt að byrja svo eins gott að krossa fingur og vona það besta. Erum að velta fyrir okkur ferð til Washington en ekkert ákveðið ennþá.

skólinn búin

Ásta Björg skilaði sér á tilsettum degi. Get ekki sagt tíma þar sem flugið var 3 tímum á eftir áætlun. Við vorum semsagt ekki komin heim fyrr en að verða 4 um nóttina, frekar þreytt. Ekki smuga að koma drengjunum í skólann svo það var svona aukafrí þann daginn.. Við erum búnar að hafa það gott mæðgur, aðeins búið að kíkja í moll og nokkrar bókabúðir og fleira “skemmtilegt”. Drifum okkur líka í bíó. Ætluðum að sjá Shrek en þar var uppselt svo við fórum á Spiderman í staðin. Var nú eiginlega alveg að lognast út af úr leiðindum, djís hvað er hægt að gera margar svona endurgerðar myndir úr teiknimyndasögum. Meira að segja Garfield er ekki nógu góður í bíómynd, þó ég myndi frekar vilja sjá hann aftur en kóngurlóna. En hvað um það. Það er síðasti dagurinn í skólanum hjá strákunum svo nú er eins gott að fara að setja sig í” taktu nú pásu frá tölvunni” eða “reynið nú að fara á lappir fyrir hádegi í dag” gírinn.

Palli er ennþá einhverstaðar í Texas en segist vera að þokast í áttina heim, hmmm sjáum til með það.

Hún er á leiðinni, alltaf á leiðinni........

Jæja 2 dagar í að Ásta Björg komi. Oh hvað ég hlakka til. Verst að þurfa að keyra í sprett til Orlando, en það er þess virði. Er að fara á námskeið á föstudaginn og strákarnir auðvitað í skólann svo ekki verður gist í þetta skiftið.
Ramminn minn fíni er ekki enn komin upp, vantaði 3 ómerkileg lítil plaststykki en kúnnaþjónustan er allavega góð svo von er á þeim á morgun. Ég verð líklega að finna annan stað fyrir hann líka þar sem Ásta Björg verður jú í herberginu, en húsið er stórt svo það ættu ekki að vera vandræði. Talandi um stór hús. Fór að heimsækja eina quiltvinkonu, vorum að skera efni, og djís maður getur nú næstum sagt að hún búi í kastala, svei mér þá stærðin á einu húsi. Enda er hún með sitt eigið saumastudio með 2 herbergjum og baði. Og svo kallinn með risa skrifstofu og svo fullt af herbergjum, fyrir utan risa eldhúsið. Já öfunda hana bara af studioinu ekki hinu, mundi ekki nenna að þrífa meira en ég geri nú þegar (eða þannig).
Hér gengur á með þrumuveðri annað slagið en ekki nóg rigning til að hjálpa til við að slökkva alla þessa skógarelda sem geysa þarna á norður florida. Ennþá hægt að finna smá reykjarlykt annað slagið, sérstaklega á kvöldin í logninu. Það var verst í síðustu viku og þá stundum svona eins og sjá má á myndinni. Og athugið að við erum í nokkur hundruð kílómetra fjarðlægð. Þetta er risasvæði þarna uppfrá og farið fullt af slökkviliðsmönnum héðan til að hjálpa til. Þó ég sé nú ánægð með að það rigni of mikið þá get nú alveg tekið undir með fólki í bæn um rigningu svo eldurinn slökkni og vatnsskortinum linni. Maður sér á gróðrinum hvað hann er orðin skorpinn sumstaðar því það má ekki vökva orðið nema 1 sinni í viku og það er sko ekki nóg í þessum hita.